Semana da Prensa, enlaces permanentes.

 Para celebrar a Semana da Prensa inauguramos nova sección no lateral esquerdo deste noso blog: enlaces aos Xornais nacionais e internacionais mais relevantes. 

Concurso de Microrelatos El Progreso e CHMS

 Os nosos alumnos de 5º de Primaria xunto coa sua titora María, participaron no concurso de microrelatos convocado polo xornal el Progreso e a Confederación Hidrográfica Miño-Sil chamado Pon tu gota de Agua.

E RESULTA QUE TEMOS GAÑADOR!!

O noso alumno Adrián López Arias gañou o primeiro premio deste concurso!

á espera de que se produzca a entrega do premio que lle corresponde, poñémosvos aquí o enlace do xornal El Progreso para que poidades ver a noticia.

https://www.elprogreso.es/articulo/comarcas/progreso-chms-premian-microrrelatos-agua/202012220936451476856.html

Recomendacións de Lectura de Lemos Le.

 Aquí podedes ver as Reconendacións de Lectura para Nadal feitas en colaboración Colectivo Lemos Le. Hai libros para todas as idades e para todos os gustos. Poderedes atopar algúns deles na nosa biblio ou na Biblio Municipal😊

Os Contos dos Avós.

Por fin podemos ter todos os contos que os nosos alumnos foron recollendo dos avós. Esta fopi una actividade feita en colaboración do Equipo de Dinamización da Lingua Galega do noso cole.

Podedes velos todos no video que tedes a continuación:

Calendario Colectivo Estiño en cociña.

 Como todos os cursos, colaboramos co calendario Solidario do Colectivo Estiño deseñando unha das partes. Este ano tocounos facer debuxos sobre o Merlo Rieiro, dentro do tema deste curso, que é o Río.

Mentres o calendario non sae á venda, aquí tedes un pequeno adianto: algúns dos nosso alumnos creando a súa peza e unha composición que fixemos con todos os deseños que se fixeron aquí, no noso 

Mes da Ciencia en Galego para profes!

Profes:  Novembro é o mes da Ciencia en Galego.

Aquí vos presentamos unha selección de contidos interesantes:

BLOGS DE CIENCIAS. Pica aquí. 

PÁXINAS WEB, BOLETÍNS. REVISTAS... Pica aquí

LIBROS E UNIDADES DIDÁCTICAS DESCARGABLES. Pica aquí.

ASOCIACIÓNS DE ENSINANTES E MUSEOS CIENTÍFICOS. Pica aquí. 

Soldadoras...

 Onte tivemos a sesión de formación de Biblioteca Creativa a cargo da profe coordinadora, Ana de Infantil. Durante esta sesión aprendemos a montar os Escornabots e estivemos a falar das diferentes aplicacións que lle podemos dar co alumndado.

Foi unha sesión tan amena que case nos esqueciamos de manter a distancia de seguridade e tra-la cal mesmo recibimos un diploma de formación non oficial do que nos sentimos moi orgullosas.

Semana da Biblioteca 20: Marcapáxinas de Lemos Le.

 Mañá é o Día Das Bibliotecas e apesares da situación que estamos a vivir,non queremos deixar pasar por alto a celebración. Como vistes nas entradas anteriores, fixemos unha manchea de pequenas cousas.

Hoxe, como colofón epa esta semana quixemos repartir a cada alumno e profe do cole un marcapáxinas elaborado polo colectivo Lemos Le, co cal colaboramos dende hai xa anos.

Semana da Biblioteca 2020: Toda unha biblioteca no teu peto!

 Aqui vos deixamos esta recomendación que nos fixo a nosa ex-compañeira Ángela: trátase dunha biblioteca virtual con moitísimas lecturas e video contos. Se picas en cada unha das portadas dos libros poderás lelas online.

 Unha xoia para ter no móbil!

Pica na foto para ir á biblioteca

Empezando outubro!

 Acaba de rematar a 1º semana do mes de outubro, e parece que aínda nos costa coller un pouco o ritmo...

Estas son as cousas que fixemos esta semana:

Empezamos o luns día 5 coas horas de lectura diarias en ESO. Para iso diseñamos un calendario para orientar ao profesorado e aos alumnos. Como sempre, deixamos libres os meses de decembro, marzo e xuño porque andamos moi apurados cos exames.

Como o noso tema é Copñece o Saviñao, fixémonos eco no Instagram dunhas rutas en torno á Praia da Cova que organiza Camina Ribeira Sacra. Son rutas de un día completo, con comida e actividades pola tarde.

Todos os cursos temos unha colaboración co Equipo de Dinamización Lingüística continuada. Este ano imos ir mais alá e imos facer gran parte de actividades conxuntas, para non solaparnos e non sobrecargar de actividades. A información destas actividades levará o membrete no que figuran os dous Equipos: Dinamización e Biblioteca.

Unha das primeiras actividades que imos realizar neste curso de forma conxunta é un mapa virtual do Saviñao no que aparezan todos os lugares, vilas e aldeas nas que viven os noso alumnos. xa vos iremos contando o traballo que iremos facendo.

Ademais solicitamos a todo o profesorado de ESO, sobre todo a aqueles que impartes as asginaturas de ciencias, que nos fagan un listado de lecturas recomendadas para as súas materias para poder instalar unha sección na biblioteca.

E tamén andamos organizando os grupos do CLub de Lectura.

E como colofón a esta semana. o venres tivemos un Obradoiro de Creacontos nos que os alumnos de 1º de Primaria estiveron a experimentar como facer a súa propia historia. Esta actividade veu de novo organizada pola Biblioteca Pública Municipal.