Lectura en Formato Dixital no Club de Lectura.

Este curso modernizámonos un pouco mais e estrenamos lectores dixitais.  O Club de Lectura que coordina a profesora Ana Campo usará estes novos cinco dispositivos Kindle para ler en formato dixital.

Día de Rosalía na Biblio

 Hoxe venres celebramos na biblioteca o Día de Rosalía cun pouco de retraso.

Os alumnos de 1º de ESO coa profe Estrella fixeron un Kahoot por equipos sobre a ilustre escritora e aprenderon cousas que non sabían.

O equipo gañador obtivo un obsequio composto por un mini-cómic de Miguelanxo Prado, unha piruleta de corazón e un rotulador de pincel. E todos os participantes tiveron a súa piruleta de agasallo pola participación.

Ademais diso tivemos exposto un mural sobre Rosalía feito polos alumnos de Primaria grazas ao EDLG.

Renovamos a Biblio de Aula de 3º ESO

 Hoxe, na hora de lectura estivemos a renovar a biblioteca de aula de 3º da ESO. Estivemos a meter libros de lectura pero tamén de consulta sobre ciencias, música, historia, biografías... a verdade é que son uns lectores voraces.

Novidades na Biblio para a Ponte do Entroido.

 Temos novidades que podedes aproveitar para levar para a Ponte do Entroido!

As dos alumnos de ESO están expostas no fondo da escaleira da ESO e as dos profes na sala de Profes.

Se vos interesa algunha so tedes que pedilo a calquera membro do Equipo da Biblioteca para que vos fagan o préstamo.

Disfrutade das vacacións!!

Ademais tedes dentro da Biblioteca unha selección de libros de xadrez para o crecente número de aficionados a este xogo, grazas ao profe Gabino que está a ensinar aos alumnos durante os recreos na biblio. Ademais xunto coa profe Laura Belón esta´n a organizar un torneo de xadrez do que teredese noticias en breve.

11 De febrerio: Día Internacional da Nena e da Muller na ciencia

 Este xoves, cun pouco de retraso celebramos o Día internacional da Nena e a Muller na Ciencia. Esta é unha xornada que fomenta a vocación científica entre as nenas e que celebra os éxitos normalemnte menos coñecidos da mulleres no ámbito das ciencias.

Na biblio fixemos confluir varios proxectos nos que estamos metidos para acercar esta celebración aos alumnos de Primaria. Durante un recreo no recuncho da Biblioteca Creativa  e baixo a supervisión da profesora responsable do Procexto, Amina, dispuxemos un taboleiro cunha plantilla de Escornabot para que os nenos traballaran programando os robots para desplazarse sobre eles. 

Todo isto foi explicado e guiado por 3 alumnos voluntarios da Biblioteca Escolar de 2º de ESO, que nese momento estaban na súa hora de titoría cos profe Estrella.

Os alumnos de 2º de ESO comentaron que os nenos de Primaria eran uns máquinas cos escornabot!!

Ademais diso a profe Amina, que recentemente recibiu formación sobre o tema nas Xornadas de Bibliotecas Creativa, dispuxo unha zona nova para facer Lettering para os alumnos. Tivo moito éxito!

Novas postais do Proxecto PostCrossing

 Hoxe saen novas postais para Rusia, Taiwan, Alemania, China, Slovenia e Xapón. Foron redactadas polos alumnos de 4º da ESO, todas en inglés coa profe Raquel.

Este proxecto está vinculado á biblioteca Escolar e fano funcionar as profesoras de Linguas Estranxeiras: Inglés e Francés (Ana Quintela, Lucía, Raquel e Estrella) dende hai 2 cursos escolares. 

Con esta actividade, ademais de practicar o inglés escrito, os alumnos aprenden un pouco de xeografía.

Compre sinalar que as postais foron deseñadas polos alumnos de Plástica de 1º de ESO no curso escolar 2020-2021 coa profe Estrella dentro do proxecto da Biblioteca Coñece O Saviñao e que o Concello nos agasallou coa súa impresión.

Cartas de San Valentín

Hoxe é o día dos Namorados e, por decreto interno, tamén día do Amor e da Amizade.

 No noso buzón de San Valentín estivemos a recoller as cartas que alumnos, profes e personal non docente quixeron adicar aos seus compañeiros e hoxe fixemos reparto delas coa axuda dos nosos voluntarios da Biblio.👏🏻👏🏻👏🏻

Novo reto na Biblio

 Na zona de Biblioteca Creativa temos un novo reto preparado para vos:

Un puzle sobre a película El Rey León.

Ollo! É difícil e está pensado para maiores de 11 anos!

E recordade botar un ollo ás instruccións que hai especificadas no cartel.

Xoves de Compadres.

Pois aquí tedes a sorpresiña que prometemos😎😎

Hoxe é Xoves de Compadres e no hall do cole tivemos as películas e actores nominados aos Óscars  a posterior entrega de premios.

As fotos dos filmes e os actores están pixeladas pola 

Protección de Datos, se queredes velas ao completo poderedes facelo acercándovos ao Hall do cole.

O Hall do cine

 Seguimos ambientando o colexio coa temática do cine: así luce o hall do centro tal que si fose o recibidor dun cine👀.

Este traballo de ambientación foi realizado polas profes de Infantil membros do Equipo da Biblioteca en colaboración co Equipo de Normalización e Dinamización da Lingua Galega.

Coidado porque poden aparecer sorpresiñas...