martes, 30 de outubro de 2018

Preparándose para pasar medo...

Nesta biblioteca  nunca podes estar tranquilo,
nunca sabes o que pode pasar...
Agora apareceunos entre as árbores un cemiterio 
súper-tétrico cheo de libros para pasa moooooito medo!






luns, 29 de outubro de 2018

Celebrando a Semana da Biblioteca 2018!




Aquí tendes a sorpresa que lles tiñamos preparada aos alumnos do cole, non vos contamos nada ata o de agora para que fora sorpresa para todos...
Sucedeu algo moi estrano porque todos os grupos de alumnos que por alí pasaron quedaron misteriosamente pechados con chave na biblioteca e tiveron que resolver unha serie de pistas para poder chegar ata a chave da porta. Para iso tiñan que saber como estaba organizada a biblioteca e en que zona estaban colocados os libros. Foi todo un reto no que os nosos alumnos sacaron o seu lado investigador! Todo un éxito!
Aquí tedes as fotos:



       
 

 



 


 


 



sábado, 20 de outubro de 2018

Arrancamos a Semana da Biblioteca 2018!

Arrancamos as actividades que imos celebrar pola Semana da Biblioteca.
Comezamos este venres por asistir á Biblioteca Municipal 
para asistir a un contacontos e unha sesión de formación de usuarios. 

Alá foi un grupo de Educación Infantil e un de Educación Primaria. Aquí tedes algunhas fotos:
 


Ademais por aquí algo se anda cocendo... Apareceron unhas árbores por alí...


Apareceu unha estrana silueta...
E andiveron a mover mesas...

Quen sabe o que andarán argallando...

xoves, 11 de outubro de 2018

Enredados lendo.

Estes días andamos enredados nun montón de cousas, sempre relacionadas coa lectura.
Andivemos montando as bibliotecas de aula cos alumnos da ESO, aquí tedes unhas fotos dos de 2º cos exemplares que eles escolleron para ter nas clases e usalos durante as horas de lectura ou cando teñan un oco:


Tamén comezamos a traer o diario deportivo Marca os luns para os forofos do deporte:

E ademais estamos organizando os clubes de lectura aos que se apuntaron moitísimos alumnos de ESO e profesores. Están todos ansiosos por saber que libro imos ler... E non vos imos dar pistas...👦

Ademáis a Semana da Biblioteca achégase. Xa sabedes que sempre hai sorpresa, preparádevos para calquer cousa...