Mes de Setembro na biblio.

 Durante este mes de setembro fixemos xa moitas cousas na biblio.

Empezamos constituíndo o Equipo da Biblioteca e facendo unha reunión para coordinarnos e repartirnos as funcións. Tamén aordamos co EDLG que seguremos colaborando neste curso para facer actividades conxuntas. O tema xeral que trataremos neste curso será AS BOAS MANEIRAS.

Dende o primeiro día de Clases xa recibimos aos alumnos cun dos Retos polas Boas Maneiras que imos levar a cabo durante o curso. Na entrada do cole dispuxemos un mural que ilustra o reto deste mes: SAUDAR. Foi elaborado polas profes de Educación Infantil, Ana e Cruz.

Ademais utilizamos unha plantilla para usar co alumnado nas entradas ás aulas.

Coma nos cursos anteriores seguirá funcionando a Hora de Lectura en ESO.

Dotáronse as Aulas de ESO de Bibliotecas de Aula e publicáronse os calendarios.

En Primaria e Infantil teñen as súas propias bibliotecas de Aula e xestionan a hora de lectura ao seu xeito.

Funcinará tamén o Club de Lectura coordinado pola profe de Lingua Galega, Patricia Varela. Teremos dous grupos en ESO, un grupo de profesores (coordinado pola profe Marta de Lingua Castela) e, como novidade, un grupo en Primaria que coordinará profe Marisa de Relixión.

Os venres estamos a recibir xornais de El Progreso de agasallo e estámosllelos ofrecendo ás aulas interesadas e aos alumnos no recreo da biblio.

O Día 26 de setembro publicamos unha fermosa e emotiva presentación que elaborou a profe de Lingua Galega, Patricia Varela.

E xa estamos preparando moitas outras cousas para o mes de outubro!